لە ناحیەی رزگاری قەزای کەلار، رووداوێکی ئاگرکەوتنەوە روویدا و بەهۆیەوە دوو کەس برینداربوون و خانوو و ماڵەکەیان سووتان.
بە گوێرەی زانیارییەکانی تۆڕی میدیایی ئێستا، خاوەن ماڵەکە پیشەی فرۆشتنی بانزین بووە و دوای ئەوەی بە ئۆتۆمبێلەکەیەوە چووەتەوە ماڵەوە و ویستوویەتی لە رێگەی ماتۆڕی کارەباییەوە دەبە بانزینەکان بەتاڵ بکات.
هەر بە گوێرەی زانیارییەکان، لەو کاتەدا ئاگرکەوتووەتەوە و ئۆتۆمبێل و ماڵەکەی سووتاون و خۆی و ئەندامێکی دیکەی خێزانەکەی برینداربوون و گواستراونەتەوە بۆ نەخۆشخانە.
