ئەنجومەنی نوێنەرانی عێراق، بە مەبەستی لێپرسینەوە ژمارەیەک وەزیر و سەرۆکی دەستە بانگهێشتی دانیشتنی داهاتووی دەکات.
میدیا عێراقییەکان بڵاویانکردەوە، بڕیارە ئەنجومەنی نوێنەرانی عێراق، بە مەبەستی لێپرسینەوە ژمارەیەک وەزیر و سەرۆکی دەستە بانگهێشتی دانیشتنی داهاتووی پەرلەمان بکات، کە دوای کۆتاییهاتنی پشووی سەری ساڵ ئەنجامدەدرێت.
ئەو وەزیرانەی بانگهێشت دەکرێن بریتین لە شەش وەزیر و دوو سەرۆکی دەستە کە بریتین لە “وەزیری کارەبا، وەزیری پەروەردە، وەزیری پەیوەندییەکان، وەزیری نەوت، وەزیری بازرگانی، وەزیری گواستنەوە و گەیاندن، سەرۆکی دەستەی وەبەرهێنان، سەرۆکی دەستەی راگەیاندن”.
پێشتر محەمەد شیاع سودانی سەرۆک وەزیرانی عێراق رایگەیاند، بەنیازە چاکسازی لە کابینەی حکومەتدا بکات و گۆڕانکاری لە پۆستەکاندا بە کەسی گونجاوتر ئەنجامبدات.
