لە سنووری قەزای خەلیفان، تیکۆکچییەک دەستگیرکرا.
بەڕێوەبەرایەتیی پۆلیسی سۆران لە راگەیەندراوێکدا بڵاویکردەوە، تیکتۆکچییەک لە سنووری قەزای خەلیفان ببووە هۆی بێزارکردنی هاوڵاتییان و رۆژانە لە رێگەی تیکتۆک جنێو و قسەی نەشیاوی بە کەسایەتییەکان و خانمان دەدا.
لە راگەیەندراوەکەدا هاتووە، لەسەر راسپاردەی بەڕێوەبەری پۆلیسی سۆران لەڕێگای داواکاری گشتی ئەمڕۆ لە لایەن بەشی پۆلیسی خەلیفان دەستگیرکرا و پەڕاوی لێکۆڵینەوەی بۆ کرایەوە.
پۆلیسی سۆران دەڵێت، لەسەر بڕیاری دادوەری لێکۆڵینەوە تۆمەتبار بەپێی ماددەی دوو لە یاسای خراپ بەکارهێنانی ئامێرەکانی پەیوەندیکردن راگیرا.
