لە وڵاتی لیبیا هەر ئاهەنگ و رێورەسمێک بەبۆنەی هاتنی سەری ساڵی زاینییەوە قەدەغەکرا و سەرپێچیکاران سزا دەدرێن.
بەپێی بڕیارەکە، سازکردنی هەموو جۆرە ئاهەنگ و رێورەسمێک بەبۆنەی سەری ساڵەوە قەدەغەیە و هەر کەسێک سەرپێچی بکات دەستگیردەکرێت.
بە وتەی دەسەڵاتدارانی وڵاتەکە، ئەو جۆرە رێورەسمانە پێچەوانەی بنەماکانی شەریعەتی ئیسلامین و لەگەڵ ناسنامەی ئیسلامیبوونی وڵاتەکەدا یەکناگرێتەوە، بە تایبەت کە وڵاتەکە هاوڵاتیی هیچ ئاینێکی دیکەی تێدا نییە.
لە ئێستادا پۆلیسی وڵاتەکە هەڵمەتی گەڕان و پشکنینی دەستپێکردووە، هەر شوێنێک رازاندنەوەی کردبێت یان یاری ئاگرینیان ئامادەکردبێت لێپێچینەوەیان لەگەڵدا دەکرێت.
