ئەندامێکی ئەنجومەنی نوێنەرانی عێراق رایگەیاند، داوایان لە وەزارەتی نەوتی عێراق کردووە نەوتی سپی بۆ هاوڵاتییانی هەرێم دابینبکات و ئەوانیش وەڵامیان ئیجابی بووە.
غەریب ئەحمەد ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، لە چوارچێوەی هەوڵەکانمان بۆ دەستەبەرکردنی ماف و شایستەکانی هاوڵاتییانی هەرێم لە بەغداد قسەمان لەگەڵ بەرپرسانی وەزارەتی نەوتی عێراق کردووە و بە نووسراوی رەسمیش داوامانلێکردوون، پێش هاتنی وەرزی سەرما بەشە نەوتی سپی هاوڵاتییانی هەرێم بنێرێت.
ئاشکراشیکرد، ئەوان وەڵامەکانیان ئیجابی بووە، چاوەڕێین پێش هاتنی وەرزی زستان ئەو بڕە نەوتە بنێرێت.
