سەرۆكایەتیی شارەوانیی سلێمانی بڵاوكردووەتەوە و دەڵێت، “بە خۆشحاڵییەوە سبەی كاتژمێر 8ی سەرلەبەیانی شەقامی بازنەیی مەلیك مەحمود بەشی شەقامە سەرەكییەكە لە ئاستی یەكتربڕی تۆفیق وەهبی بە ڕووی شۆفێراندا دەكرێتەوە”.
لە راگەیەندراوەكەدا هاتووە، بەمەش قۆناغی دووەمی پڕۆژەكە كە پێكهاتبوو لە دروستكردنی دیوار و سەقفی ئەندەرپاسەكە و قیرتاوكردنی بەشی سەرەوەی تەواوكرا و شایانی باسە قۆناغی سێیەم و كۆتایی پڕۆژەكەش كاری باشی تێداكراوە بۆ ئەوەی لە ماوەی خۆیدا و پێش كۆتایی ساڵ پڕۆژەكە تەواوبكرێت.
ئەوەشخراوەتەڕوو، سەرجەم تیمەكانی سەرۆكایەتیی شارەوانیی سلێمانی و سەرپەرشتیار و كۆمپانیای جێبەجێكار كە زۆر بە چڕی و دڵسۆزانە كارەكانیان ئەنجامدەدەن.
