رۆژنامەنووس و میدیاکار پێشڕەو مەلا وەیسی لەبارەی رووداوی لافاوەکەی چەمچەماڵ و دەوروبەری و هاوکارییەکانی یەکێتیی نیشتمانیی کوردستان لە وتارێکدا دەڵێت،یەكێتی بە بێدەنگی و بێموزایەدە خزمەتدەكات.
دەقی ووتارەکەی پێشڕەو مەلا وەیسی
لەماوەی چەند رۆژی رابردوودا، لەدوای ئەوكارەساتە سروشتییەی رووی لە خەڵكی سنووری چەمچەماڵ و بەشێك لە ناحیەكانی كرد، بە تایبەت شۆڕش و تەكیە، یەكسەر یەكێتیی نیشتیمانیی كوردستان لە رێگەی هێزەكانی ئاسایش و كۆماندۆ و هێزەكانی دیکە، كەوتنە رزگاركردنی خەڵك و منەتیشی نەكردووە، چونكە بە ئەركی سەرشانی خۆی زانیوە، وێڕای ئەوەی بەیانییەكەی لەسەر ئاستی باڵا قوباد تاڵەبانی” لێپرسراوی مەكتەبی سكرتاریەتی سەرۆك (مام جەلال) و جێگری سەرۆكی حكومەتی هەرێمی كوردستان مەیدانی گەڕەك و كوچەكانی شاری بەسەركردەوە، هەر لە هەمانكاتدا بافڵ جەلال تاڵەبانی” سەرۆكی یەكێتیی نیشتیمانیی كوردستان، ئیدارەی گشتی و كۆمپانیانی ڕاسپارد بۆ خزمەتكردنی خەڵك و گەیاندنی هاوكاری، هەروەها قوباد تاڵەبانی” لێپرسراوی نوسینگەكەی خۆی لە چەمچەماڵ بەجێهێشت، ئەوەش بۆ زیاتر دڵنیابوون بووە لەوەی دەستی هاوكارییەكان زیاتر و خێراتربن، هەموو ئەمانە ئاساییە و یەكێتیی بە بێدەنگی وەك كاری هەمیشەیی خزمەتی خەڵكی لە پێش هەموو موزایدەیەكەوە بینیوە و بڕوای تەواویشی پێی هەبووە.
بەڵام ئەوەی ئاسایی نییە، ئەوەیە حزبێكی سیاسی و حیزبۆچكەكانی تر ئەو كارەساتەی ڕووی لە خەڵكی بەش مەینەتی چەمچەماڵی پایتەختی شەهیدان و ئەنفالكراوان كردووە، بۆ مەرامی حزبی و بە فریشتەكردنی خۆیان و بەشەیتانكردنی یەكێتیی لە رێگەی راگەیاندنە بێمۆراڵەكانیانیانەوە بەر بوونەتە گیانی خەڵكی سنوورەكە، ژەهری دووبەرەكی دەچێنن، دەیانەوێت خەڵك و سنوورەكە تێكبشكێنن و لە هەموو چەمكەكانی ژیانكردن دای بماڵێنن، بە مەرجێك یەكێتی چەند هێندەی ئەوان لە خەمی خەڵك و سنوورەكەیدا بووە، لەبری ئەوەی خەڵكی خەڵتانی خوێن بكات وەك ئەوان! بەڵام یەكێتی لە پێناوی خەڵكی چەمچەماڵ ڕۆڵەكانی خۆی خەڵتانی خوێن كران و گیانیان فیدای یەك دڵۆپ خوێنی چەمچەماڵییەك دەكەن، یەكێتی وەك ئەركی خۆی تەماشای دەكات و منەت بەسەر خەڵكدا ناكات و بە خەڵكی سنورەكەی نافرۆشێتەوە، ئەمەش نیشانەی ئەوەیە ئەو حزبە دەیەوێت ڕووداوە دەستكردەكەی لاجان و ڕژانی خوێنی خەڵكی بێتاوان بشارێتەوە و لە بیری خەڵكی بەرێتەوە.
سەیرەكە ئەوەیە، ئەو حزبە خەڵكی سنوورەكەی خۆی داوای نان و ژیان دەكات بە فیشەك وەڵامیان دەداتەوە، بەڵام لە چەمچەماڵ ڕاگەیاندنەكانی كەوتوونەتە وێزەی خەڵكی بەش مەینەت و كارتۆنێك خۆراك، یان پیتزایەك بە خەڵك دەفرۆشنەوە، هێشتا دڵیان ئاو ناخوات و خەڵكی خۆیان دەنێرن تا كێشە دروستبكەن، تا كاردانەوە هەبێت و خوێنی خەڵكی بێتاوان بڕێژرێت، بەڵام پێچەوانەكەیان بینی! ئەوە جیاوازی یەكێتی و هێزەكانییەتی، كە خوێنی خۆیان فیدای خەڵك دەكەن، ئەوەی ئەمڕۆی چەمچەماڵ شاهیدی حاڵە و بیركردنەوەی یەكێتیی نیشتیمانیی كوردستانە، بۆ بەڕێوەبردنی وڵات.
كەچی چاویان بە بەڕێوەبردنی سەردەمی و مەدەنی یەكێتیی و خزمەتەكانی هەڵنایات و كەسەكانیان دەنێرن تا كێشە درووستبكەن! كە پێیان نەكرا، ئەوەش لە ترسی ئەوەیە كە یەكێتی و ڕاگەیاندنەكەی وەك ئەوان بكەوێتە بێشعوری و دەستە بەتاڵە ژەهراوییەكانیان كەشفبكات.
ئەوە یەكێتییە، بۆم دەركەوت حزبی خەڵكە و بۆ خەڵكیش بووە، بۆیە دەڵێم سوپاس بۆ خزمەتە هێمنانەكەت و نەفرۆشتنەوەی بە خەڵك، شانازیت پێوەدەكەم كە حزبێكی سیاسی بەویقار و سەنگینی وەك تۆ لە هەرێمەكەم هەیە.
پێشڕەو مەلاوەیسی
ڕۆژنامەنوس و میدیاكار
