ئەمشەو چەند هاوڵاتییەک لە گوندی وێزەی ناوچەی باڵەکایەتی لەناو بەفر و بەستەڵەک گیریان خواردووە و داوای بە هاناوەچوون دەکەن.
بەڕێوەبەرایەتیی بەرگریی شارستانیی سۆران بڵاویکردەوە، کەمێک پێش ئێستا ئاگادارکراینەوە چەند هاوڵاتییەک لە گوندی وێزەی ناوچەی باڵەکایەتی بە هۆی سەختی رێگا و بەستەڵەکی ناوچەکەوە گیریان خواردووە.
ئاشکراشیکرد، لە ئێستادا دوو تیممان بە مەبەستی رزگارکردنیان دەرچوون.
لە ماوەی یەک هەفتەدا ئەمە دووەمین حاڵەتی گیرخواردنی هاوڵاتییانە لەو ناوچەیە رووبدات.
