لە یەكەم پەیامیدا دوای رووخانی رژێمەكەی، بەشار ئەسەد رەتیدەكاتەوە رۆیشتنەكەی پلانداڕێژراو بووبێت.
كەناڵی سەرۆكایەتیی سوریا لە تێلیگرام، ئەمڕۆ راگەیەندراوێكی بەشار ئەسەدی لە مۆسكۆوە بڵاوكردەوە و تیایدا دەڵێت، “سوریای بەشێوەیەكی پلانداڕێژراو جێنەهێشتووە، وەك ئەوەی بڵاوكراوەتەوە”.
دەشڵێت، تا بەیانیی رۆژی 8ی كانونی یەكەم لە دیمەشق ماوەتەوە و، لەكاتێكی زووی ئەو رۆژەدا گوازراوەتەوە بۆ بنكەی حمێمیم لە لازقیە، بۆ بەدواداچوونی شەڕ و پێكدادانەكان.
