مەزڵوم عەبدی لە پەیامێکدا رایگەیاند، یەکگرتوویی کورد لە سوریا پێویستییەکی مێژووییە و وەڵامدەرەوەی مەترسییەکانی قۆناغەکەیە.
مەزڵوم عەبدی فەرماندەی هێزەکانی سوپای سوریای دیموکرات (هەسەد) لە پەیامێکدا رایگەیاند، یەکێتیی نیشتمانیی کوردی لە سوریا پێویستییەکی مێژووییە بەهۆی ئەو ئاڵنگارییانەی لەم قۆناغەدا روودەدەن.
ئاماژەی بەوەشکرد، داوا لە لایەنە کوردییەکان دەکەم دووربکەونەوە لە بەرژەوەندی حزبی و وەڵامی بانگەوازە جەماوەرییەکان بدەنەوە یەک دەنگ و یەک هەڵوێست بن.
داوایشیکرد، هەمووان بە شێوەیەکی ئەرێنی مامەڵە لەگەڵ ئەو هەوڵانە بکەن کە بۆ بەدیهێنانی یەکێتی نەتەوەیی کورد و گەیشتن بە هەڵوێستێک دەدرێن، بە مەبەستی بەشداریکردن لە بونیاتنانی سوریایەکی دیموکراتی و فرە لایەن.
