دوای ئەوەی شەوی پێنجشەممەی ڕابردوو بۆریی سەرەكیی ئاوی دوكان-سلێمانی شكا، لەماوەی 40 كاتژمێردا بۆرییەكە چاككرایەوە.
بەڕێوەبەرایەتیی ئاوی سلێمانی ڕایگەیاند، دوای ئەوەی شەوی پێنجشەممە 2ی حوزەیران بەهۆی كێشەی كارەباوە هێڵی یەكی بۆریی سەرەكیی ئاوی دوكان-سلێمانی شكا، بە سەرپەرشتی بەڕێوەبەر و لێپرسراوی بەشەكانی دابەشكردن و چاكسازی ئاو و وێستگەكانی دوكان و تیمێكی پسپۆڕ لە كارمەندان، توانرا لەماوەی 40 کاتژێردا کێشەکە چارەسەربکرێت.
دەشڵێت، لە بەیانیی ئەمڕۆوە ئاو گەیشتۆتە پڕۆژەکە و دابەشکردنی ئاو لەو گەڕەکانەی ئاو لەو هێڵە وەردەگرن بەپێی بەرنامەیەك دەستپێدەكات.
شەوی ڕووداوەكە قایمقامیەتی قەزای دوكان بڵاویكردەوە، بەهۆی بڕانی تەزووی كارەبا و هاتنەوەی لە هەمانكاتدا بۆری گواستنەوەی هێڵی ئاوی (دوكان – سلێمانی) تەقی و بەهۆیەوە ئاستەنگی بۆ شۆفێران دروستكرد.
