ئەمڕۆ جارێکی دیکە نرخی زێڕ بەرزبوونەوەیەکی بەرچاوی بەخۆیەوە بینی و نرخی یەک ئۆنسە زێڕ دوو هەزار و 700 دۆلاری تێپەڕاند.
ئەمڕۆ پێنجشەممە نرخی یەک ئۆنسە زێڕ لە بازاڕەکانی جیهاندا گەیشتە دوو هەزار و 717 دۆلار.
لە سەرەتای مانگی رابردووەوە ئەمە یەکەمین بەرزبوونەوەی لەو شێوەیەی نرخی زێڕە و هۆکارەکانیشی بەشێکی پەیوەستە بە نزیکبوونەوەی کۆبوونەوەی بانکی ناوەندی ئەمریکا و پێشبینییەکان بۆ دابەزینی بەهای سوودەکانی.
هاوکات بارودۆخی سوریا و شەڕی ئیسرائیل و فەلەستین و بەردەوامی شەڕی روسیا و ئۆکرانیا بەشێکی دیکەن لە هۆکارەکانی بەرزبوونەوەی نرخی زێڕ.
