وەزارەتی سامانە سروشتییەکان بڵاویکردەوە، تا ئێستا نزیکەی 219 ملیۆن لیتر نەوتی سپی بەسەر زیاتر لە ملیۆنێک خێزان دابەشکراوە کە دەکاتە رێژەی 80% کۆی نەوتی دابەشکراو.
لە راگەیەندراوێکی وەزارەتی سامانە سروشتییەکاندا هاتووە، تا ئێستا 219 ملیۆن و 674 هەزار و 400 لیتر نەوتی سپی بەسەر ملیۆنێک و 93 هەزار و 372 خێزاندا دابەشکراوە.
نرخی ئەو نەوتەی وەزارەتەکە دابەشیکردووە، بڕی 105 هەزار دینارە بۆ هەر بەرمیلێک.
وەزارەتەکە ئاشکراشیکردووە، بڕی 30 ملیۆن و 89 هەزار و 543 لیتر نەوت لە عەمبارەکان ماوەتەوە و 250 هەزار و 181 خێزانیش تا ئێستا نەوتیان بەسەردا دابەشنەکراوە.
