بڕیارە سبەینێ سێشەممە زەوی بەسەر زیندانیانی سیاسیی سنووری سلێمانیدا دابەشبکرێت.
سەرۆکایەتیی شارەوانیی سلێمانی بڵاویکردەوە، ئاگاداری ئەو زیندانیکراوە سیاسییانە دەکەینەوە کە فەرمانی پێدانی زەوییان بۆ دەرچووە لە وەجبەکانی (6،7،8) و مینحەی مانگانەی 10 ساڵەکەیان وەرگرتووە تا ئێستا نەهاتوون بۆ وەرگرتنی زەوییەکەیان سبەینێ سێشەممە کاتژمێر 9:00 ی سەرلە بەیانی لە هۆڵی رۆشنبیری ئامادە بن بۆ وەرگرتنی زەوی نیشتەجێبوون.
لای خۆیەوە زەردەشت رەفیق بەڕێوەبەری راگەیاندنی سەرۆکایەتیی شارەوانیی سلێمانی بە تۆڕی میدیایی ئێستای راگەیاند، بەردەوامین لە کارکردن و بەهۆی زۆری مامەڵەی هاوڵاتییان و ئەوەی نامانەوێت کارەکانیان دوابکەوێت مانگرتنمان رانەگەیاندووە.
