وتەبێژی ئەنجومەنی ئاسایشی نەتەوەیی ئەمریکا لە کۆشکی سپی رایگەیاند، “سەرۆک بایدن و تیمەکەی لە نزیکەوە چاودێریی رووداوەکانی سوریا دەکەن”.
ئەمڕۆ یەکشەممە شون سافیت، وتەبێژی ئەنجومەنی ئاسایشی نەتەوەیی ئەمریکا لە کۆشکی سپی، لە پۆستێکدا لەسەر پلاتفۆرمی “X” رایگەیاند، “سەرۆک بایدن و تیمەکەی لە نزیکەوە چاودێریی رووداوەکانی سوریا دەکەن و بەردەوام لە پەیوەندیدان”.
ئەوە لەکاتێکدایە، هەڵاتنی بەشار ئەسەدی سەرۆکی سوریا راگەیەندرا و ئەمڕۆ یەکشەممە 8ی کانوونی یەکەمی 2024، سەردەمێکی نوێ لە سوریا دەستیپێکرد.
هێزە ئۆپۆزسیۆنەکانی سوریا رایان گەیاند، دەسەڵاتی ئەسەد کۆتاییهاتووە و داوایان لە ئاوارەکان کرد بگەڕێنەوە سەر ماڵ و حاڵی خۆیان.
محەمەد جەلالی، سەرۆک وەزیرانی سوریا ئامادەیی خۆی بۆ رادەستکردنی دامەزراوەکان بە هەر سەرکردایەتییەک دەربڕی کە گەلی سوریا هەڵیبژێرێت.
