پۆلیسی بەریتانیا رایدەگەیەنێت، تۆمەتی پلاندانان بۆ كاری تیرۆرستی رووبەڕووی سەربازێكی بەریتانی كردووەتەوە.
پۆلیسی بەریتانیا لە راگەیەندراوێكدا ئاشكرایكرد، تۆمەتبار دانیێل عەبید خلێف (21 ساڵ)ە لە ناوچەی بیكۆنساید-ی شاری ستافۆرد-ی بەریتانی، كە یەكێك لە كارمەندانی سوپای بەریتانی.
بەپێی راگەیەندراوەكە، سەربازەكە تۆمەتباركراوە بەوەی هەوڵیداوە “زانیاری كۆبكاتەوە كە سوودبەخش بێت بۆ ئەنجامدان و رێكخستنی كارێكی تیرۆرستی”.
لەكاتێكی دواتردا تۆمەتبار پێكهاتەیەكی گومانلێكراوی لە شوێنێكی گشتیدا جێهێشتووە، “بەمەبەستی سەرنجڕاكێشان بەوەی دەتەقێتەوە یان ئاگری لێبەرزدەبێتەوە، دواتریش زیانی ماددی دەخاتەوە یان دەبێتەهۆی زیانی گیانی”.
پۆلیس رایگەیاند، خلێف لەئێستادا دەستبەسەرە و پێشبینی دەكرێت ئەمڕۆ رووبەڕووی دادگا بكرێتەوە.
