لیژنەكەی عێراق ڕاپۆرتی خۆی لەبارەی لەشكركێشییەكانی توركیا ئامادەكرد و پێشكەشی كازمی دەكات

سەرۆكی لیژنەی ئاسایش و بەرگری لە ئەنجومەنی نوێنەرانی عێراق ڕایدەگەیەنێت، ڕاپۆرتێكیان لەبارەی دەستدرێژییەكانی توركیا بۆسەر خاكی هەرێمی كوردستان ئامادەكردووە و پێشكەشی سەرۆكایەتی پەرلەمان و فەرماندەیی گشتی هێزە چەكدارەكانی دەكەن.

محەمەد ڕەزا ئال حەیدەر، سەرۆكی لیژنەی ئاسایش و بەرگری لە ئەنجومەنی نوێنەرانی عێراق ڕایگەیاندووە، “لیژنەكەیان كە لەبارەی دەستدرێژییەكانی توركیا سەردانی ناوچە سنوورییەكانی هەرێمی كوردستانی كردووە چەندین بنكەی سەربازی سوپای توركیایان لە ڕێگا و بەرزایی چیاكان بینوە”.

ڕونیشیكردووەتەوە، “سوپای توركیا لە ناوچە سنوورییەكان بەقوڵای زیاتر 15 كیلۆمەتر بنكە و بارەگای سەربازی لێداوە”.

سەرۆكی لیژنەی ئاسایش و بەرگری ئەنجومەنی نوێنەران باسیلەوەشكردووە، “هێزەكانی پاسەوانی سنوور بە درێژای 245 كیلۆمەتر لە سنوورەكانی باكوری عێراق بوونیان هەیە، بەڵام ئەوە كەمە و پێویستی بە پاڵپشتی زیاترە بەدانانی كامێر و بوونی فڕۆكە هەیە”.

ڕونیشیكردووەتەوە، “لەسەردانی لیژنەكەیان بۆیان دەركەوتووە، چەندین گوند لە سنوری قەزای زاخۆ بەهۆی ئەو گرژییانەوە كۆچییان كردووە بۆ ناوچەكانی دیكە و پێویستە حكومەت لەخەمیان بێت”.

محەمەد ڕەزا، جەختی لەوەشكردووەتەوە، لیژنەكەیان بە ڕاپۆرتێك تەواوی وردەكارییەكانی سەردانەكەیان و ئەو ڕووداوانەی كە لەو ناوچانە ڕوودەدەن پێشكەش بە دەستەی سەرۆكایەتی پەرلەمان و مستەفا كازمی دەكات.

ئەوەش لەكاتێكدایە، تائێستا لیژنەكەی پەرلەمانی كوردستان بەهۆی ناكۆكیەوە نەیتوانیوە كۆببێتەوە تا ڕاپۆرتی خۆی ئامادەبكات و پێشتریش ئەندامێكی شاندەكە بە تۆڕی میدیایی ئێستای وتبوو، بەهۆی فشارەكانی پارتیەوە ناتوانن ڕاپۆرتی كۆتایی خۆیان بنوسنەوە.

بابەتی پێشتر

ئاسایشی سلێمانی بكوژانی ژنە سوتێندراوەكەی عەزیزئاوایان دەستگیركرد

بابەتی دواتر

ئامێری کارەبایی بۆ دڵی ئیریکسن دادەنێن، دەتوانێت یاریبکاتەوە؟

بابەتی پەیوەندیدار
زیاتر ببینە

وەزیری پلاندانان داوا لە نەتەوەیەكگرتووەكان دەكات پرۆژەكانیان لەدەرەوەی كامپەكانیش جێبەجێبكەن

لە كۆبوونەوەیەكدا لەگەڵ لێپرسراوی ئاژانسی پەنابەرانی سەر بە نەتەوەیەكگرتووەكان، وەزیری پلاندانان داوای كرد، پرۆژه ‌و به‌رنامه‌كانی نەتەوەیەكگرتووەكان فراوانتر…
Total
5
Share