دەستەی کەشناسیی عێراق وردەکارییەکانی بارودۆخی کەشوهەوای وڵاتی بۆ چەند رۆژی داهاتوو راگەیاند، هاوکات پێشبینی بارانبارین دەکات لەناوچەکانی هەرێمی کوردستان و ناوەڕاستی عێراق.
بە گوێرەی راگەیەندراوەکەی دەستەی کەشناسیی عێراق، سبەی شەممە، ئاسمان نیمچە هەور بۆ هەوری تەواو دەبێت لە سەرجەم ناوچەکانی وڵات و پلەی گەرمی هاوشێوەی چەند رۆژی رابردوو دەبێت.
ئاماژە بەوەشکرا، رۆژی یەکشەممە ئاسمان لە ناوچەکانی ناوەڕاست و هەرێمی کوردستان نیمچەهەور دەبێت، لە ناوچەکانی باشووریش نیمچە هەور دەبێت.
لەبارەی دۆخی کەشوهەوا بۆ رۆژی دووشەممە باس لەوەکراوە، ئاسمان نیمچە هەور بۆ هەور دەبێت و ئەگەری نمەباران لە ناوچەکانی ناوەڕاست و هەرێمی کوردستان هەیە.
