لە ئێوارەی ئەمڕۆوە بەفربارین چەند ناوچەیەكی هەرێمی كوردستانی گرتووەتەوە.
بەپێی زانیارییەكان، لە ئێوارەی ئەمڕۆوە بەفر چیاكانی قەزای چۆمان و گوندی ئۆرەی قەزای ئامێدی گرتووەتەوە.
هەر ئەمڕۆ، بەڕێوەبەرایەتیی كەشناسیی هەرێم لە راگەیەندراوێكدا بڵاویكردەوە، لە پاشنیوەڕۆی ئەمڕۆوە ئاسمانی هەرێم دەگۆڕێت بۆ هەوری تەواو دواتر كاریگەریی شەپۆلی بارانبارین چالاكدەبێتەوە و لە سەرجەم ناوچە جیاجیاكان ماوەی دابارین لە نێوان كاتەكانی دوای نیوەڕۆ تاوەكو درەنگانی شەو دەبێت و لە ناوچە شاخاوییە سنوورییەكان بەفر دەبارێت.
