خوێندنەوەی دووەم بۆ هەمواری یاسای بودجە دەکرێت

ئەنجومەنی نوێنەران کۆدەبێتەوە و خوێندنەوەی دووەم بۆ هەمواری یاسای بودجە دەکرێت.

بەپێی بەرنامەی کاری کۆبوونەوەی ئەنجومەنی نوێنەران، ئەمڕۆ پێنجشەممە دەنگ لەسەر پرۆژە یاسای دەزگای هەواڵگریی نیشتمانیی و هەمواری یەکەمی یاسای پاسپۆرت دەدرێت.

بڕیارە لە بڕگەی سێیەمی کۆبوونەوەکەدا خوێندنەوەی دووەم بۆ پرۆژە هەمواری یەکەمی یاسای بودجەی گشتیی بۆ ساڵەکانی 2023، 2024، 2025 بکرێت.

هاوکات لە بڕگەی کۆتایی کۆبوونەوەکەدا خوێندنەوەی دووەم بۆ هەمواری پێنجەمی یاسای فڕۆکەوانیی مەدەنی دەکرێت.

کۆبوونەوەی ئەنجومەنی نوێنەران لە کاتژمێر 1:00 ی پاشنیوەڕۆی ئەمڕۆ دەستپێدەکات.