سودانی رایگەیاند، تەنها هەر ئەو 763 ملیار دینارەیە کە بۆ مووچە نێردراوە و هیچ گواستنەوەیەک لە پشکی هەرێمی کوردستاندا ناکرێت و وتیشی، “ئێمە پابەندیمان بەرامبەر بە بڕیاری دادگای فیدڕاڵی جێبەجێکردووە.
سۆران عومەر، ئەندامی ئەنجومەنی نوێنەرانی عێراق رایگەیاند، بە دەستی نامەیەکم دایە دەست سەرۆک وەزیرانی عێراق لەسەر مووچەی فەرمانبەرانی هەرێمی کوردستان و دواتریش لە کۆبوونەوە داوای روونکردنەوەم کرد، سودانی رایگەیاند، تەنها هەر ئەو 763 ملیار دینارەیە کە بۆ مووچە نێردراوە و ئێمە پابەندیمان بەرامبەر بە بڕیاری دادگای فیدڕاڵی جێبەجێکردووە.
سۆران عومەر دەڵێت، محمد شیاع سودانی لەوەڵامدا پێی وتین، “مەسەلەی مووچە هیچ بابەتێکی سیاسیی نییە، پێشتر هەرێم بە هیچ ماددە و بڕگەیەکی بودجەوە پابەند نەبووە، پاش دەرچوونی بڕیاری دادگای فیدراڵی، پابەندین بە بڕیاری دادگای فیدراڵی و مووچەمان ناردووە هەر بەپێی بڕیارەکە لەپشکی هەرێم 12.67% و هەر ئەو 763 ملیارانە ماوە کە بڕیارمان لێ داوە و هیچ گواستنەوەیەک لە پشکی هەرێمدا ناکرێت، هەرێم پابەند نەبووە و ناکۆکی زۆرە لەسەر دەروازەی سنووری و باج و داهات، بەڵکو ئەم هەموواری یاسای بودجەیە لەسەر تێچووی بەرهەمهێنانی نەوت بابەتەکە بۆ ساڵی داهاتوو چارەسەر بکات.”
