ئەلێنا رۆمانسکی باڵیۆزی ئەمریکا لە عێراق رایگەیاند، هاوکاربوون بۆ گەیشتنی هەرێم و بەغداد بە رێکەوتن.
ئەمڕۆ شەممە ئەلێنا رۆمانسکی باڵیۆزی ئەمریکا لە عێراق بەبۆنەی کۆتاییهاتنی ئەرکەکەی لەگەڵ نوێنەری ژمارەیەک دەزگای راگەیاندن لە هەرێم کۆبووەوە و رایگەیاند، “داعش تا ئێستا مەترسییە لەسەر عێراق و حکومەتى عێراقیشمان ئاگادارکردووەتەوە هەوڵەکانى بەگەڕبخات بۆ ئەوەى وڵاتەکە نەبێتە گۆڕەپانى جەنگ”.
لەبارەی پەیوەندییەکانی هەرێم و بەغداد باسیلەوەکرد، “چارەسەرکردنى کێشەى هەناردەکردنى نەوتى هەرێم لە قۆناغى کۆتاییدایە و گفتوگۆکانی نێوان هەرێم و بەغداد ئەرێنین و ئێمەش هاوکاربووین بۆ گەیشتن بە رێکەوتن”
لە بەشێکی دیکەی کۆبوونەوەکەدا ئاشکرایکرد، “پشتیوانیى پەرەپێدانى خوێندنى باڵان و ئەمساڵ چوار ملیۆن دۆلارمان بۆ پرۆژەى سێ زانکۆى ئەمریکى لە هەرێم خەرجکردووە”.
