هاتوچۆی دەربەندیخان سزای ئەو شۆفێرە بارهەڵگرانە دەدات کە ئۆتۆمبێلەکانیان لە کۆڵان و شەقامەکان پارک دەکەن.
بەڕێوەبەرایەتیی هاتوچۆی دەربەندیخان لە راگەیەندراوێکدا بڵاویکردەوە، ئاگاداری سەرجەم شۆفێری بارهەڵگرەکان دەکەین ئەوانەی لە کۆڵان و شەقامەکان ئۆتۆمبێلەکانیان پارک دەکەن و دەبنە هۆی ئازار بۆ خەڵک و تێکشاندنی شۆستە و شەقامەکان کۆتا کات رێکەوتی 1ی کانوونی یەکەمی 2024، و لەو رۆژە بەدواوە سزادەدرێن.
دەشڵێت، هەر لە شوێنی پارک کراوی بارهەڵگرەکە سزای سەرپێچییی شۆفێرەکەی دەدرێت لە رێگەی جیهازی ( pdi ) کە پاش سزادانی بە نامەیەک بۆ خاوەنی بارهەڵگرەکە دەچێت و ئاگاداری دەکاتەوە کە سزادراوە.
