نرخی نەوتی خاو لە بازاڕەکانی جیهاندا دابەزی، شارەزایان هۆکارەکەی بۆ ئاگربەستی نێوان لوبنان و ئیسرائیل دەگەڕێننەوە.
بەیانیی ئەمڕۆ چوارشەممە، نرخی بەرمیلێک نەوتی برێنتی دەریای باکوور گەیشتە 72 دۆلار و 79 سەنت، کە بەراورد بە رۆژی رابردوو 12 سەنت دابەزیوە.
هەروەها نرخی بەرمیلێک نەوتی سووکی تەکساسی ئەمریکا گەیشتە 68 دۆلار و 73 سەنت کە بەراورد بە رۆژی رابردوو 14 سەنت دابەزیوە.
بە بڕوای شارەزایان ئەو دابەزینە لە نرخی نەوت دەگەڕێتەوە بۆ ئەوەی کە جۆ بایدنی سەرۆکی ئەمریکا ئاگربەستی جەنگی نێوان لوبنان و ئیسرائیلی راگەیاند.
