کۆمپانیاکانی هیۆندای و کیای کۆری داوای 208 هەزار ئۆتۆمبێلی کارەبایی لە بازاڕەکان بەمەبەستی چارەسەرکردنی کێشەیەک دەکێشنەوە و داوایان لێدەکەن سەردانی بریکارەکان بکەن بەمەبەستی چارەسەر.
بەگوێرەی راگەیەندراوی کۆمپانیاکان بێت، کێشەکە پەیوەندیدارە بە هێزی لێخوڕینەوە و دەکرێت ئۆتۆمبێلەکە تووشی رووداوی نەخوازراو بکات، ترانسیستۆرێک لە یەکەیەکی کۆنترۆڵکردنی شەحنکردنەوەدا دەتوانێت زیان بە پاترییەکە بگرێت و شەحنکردنەوەی پاترییە 12 ڤۆڵتەکە بوەستێنێت.
بانگهێشتکردنەوەکان زیاتر لە 145 هەزار ئۆتۆمبێلی هیۆندا و جینێسیس دەگرێتەوە کە بریتین لە ئایۆنیک 5ی 2022 بۆ 2024، ئایۆنیک 6ی 2023 تا 2025، جی ڤی 60 و جی ڤی 70، جی 80ی 2023 و 2024.
هاوکات، نزیکەی 63 هەزار ئۆتۆمبێلی کیا ئیڤی 6 لە ساڵی 2022 تا 2024 لەخۆدەگرێت.
باس لەوەشکراوە، بریکارەکان پشکنین و گۆڕینی یەکەی کۆنترۆڵ و فیوز ئەگەر پێویست بوو ئەنجامدەدەن هاوکات سۆفتوێرەکەی نوێدەکەنەوە، تەنانەت ئەو خاوەن ئۆتۆمبێلانەی کە ئۆتۆمبێلەکانیان لە سەرەتای ئەمساڵدا بانگهێشتکراونەتەوە بۆ چارەسەرکردنی هەمان کێشە، دەبێت جارێکی دیکە سەردانی بریکارەکەیان بکەنەوە.
