13 هەمین فیستیڤاڵی ئازادی و نەورۆز، لە 11ی ئازار لە شاری هەولێر دەستپێدەكات، تاكو ئێوارەی نەورۆز بەردەوامدەبێت.
بەپێی راگەیەندراوێكی پارێزگای هەولێر كە وێنەیەكەی دەست تۆڕی میدیایی ئێستا كەوتووە و تێیدا هاتووە، لە كۆبوونەوەیەكدا گفتوگۆ لە بارەی ئامادەكارییەكان بۆ ئەنجامدانی (13) یەمین فیستیڤاڵی ئازادی و نەورۆزكران.
بۆ ئەو مەبەستەش لیژنەی باڵای فێستیڤاڵ و چەند لیژنەیەكی دیكە دیاریكران بۆ بەرێوەبردنی ڕۆژانی فیستیڤاڵ، كە لە ڕۆژی 11ی ئازای ئەمساڵ دەستپێدەكات و تاوەكو ئێوارەی نەورۆز 20ی ئازار بەردەوامدەبێت و زۆرترین چالاكی هونەریی جۆراوجۆر لەلایەن هونەرمەندانەوە بە هەماهەنگی بەڕێوەبەرایەتیی گشتیی رۆشنبیری و هونەریی هەولێر لە چەندین شوێنی هەولێری پایتەخت، وەك قەڵای هەولێر، پاركی شانەدەر، چەندین شوێنی دیكە پێشكەشدەكرێن.
