بەڕێوەبەری باخچەکانی سلێمانی رایگەیاند، پلانی دروستکردنی چەند پارێکی گەورە هەیە لە شەش مانگی ئایندەدا.
بەهرۆز سالار، بەڕێوەبەری باخچەکانی سلێمانی بە تۆڕی میدیایی ئێستای راگەیاند، شاری سلێمانی نزیکبووەتەوە لە رێژەی سەوزایی ستانداردی جیهانی کە 20% و سلێمانی ئێستا لە رێگەیە بۆ ئەوەی ستاندارەکە تێپەڕبکات.
رێژەی سەوزایی لە شاری سلێمانی 19 و چەند پۆینتێکە لە 100 و نزیکە لە 20%ی رێژەی ستانداردی جیهانیی و پێشەنگین لە رووی سەوزاییەوە لەناو هەموو پارێزگاکانی عێراقدا.
بەهرۆز سالار راشیگەیاند، ئەمڕۆ لە یادی شاری سلێمانیدا، 240 نەمامان لە دەوروبەری پارکی ئازادی شارەکە روواند، هاوکات، 240 نەمام لە دەروازەی شاری سلێمانی لە رێگەی تاسڵوجە روێندرا.
ئاماژەی بەوەشکرد، پلانەکانمان بەردەوامن و لە رووی سەوزاییەوە پلانی زۆر جیاوازمان هەیە و چەند پارکێک لە شەش مانگی داهاتوودا دروستدەکرێت و چەند پارێکیش نۆژەندەکرێتەوە جگە لەوەی چەند بلوارێکی شەقامە سەرەکییەکان نۆژەندەکرێنەوە.
