ئیبراهیم خەلیل.. نزیكەى 50 هه‌زار تۆن شمەك گه‌ڕێندراونه‌ته‌وه ‌یاخود سووتێندراون

له‌ ساڵێكدا لە دەروازەی نیودەوڵەتیی ئیبراهیم خەلیل، نزیكەى 50 هه‌زار تۆن كاڵا و شمەك گه‌ڕێندراونه‌ته‌وه ‌یاخود سووتێندراون.

کامیل کەمال، بەرپرسی ڕاگەیاندنی کومەڵگەی دەروازەی ئیبراهیم خەلیل بە تۆڕی میدیایی ئێستا-ی ڕایگەیاند، “له‌ ماوه‌ى یه‌ك ساڵدا و له 1ی 1ی 2020ـەوە تا 31ی 12ی 2020، 48 هه‌زار تۆن 631 کێلوگرام كه‌ره‌سته‌ى جۆراوجۆر له‌ تاقیگه ‌و لیژنە پەیوەندیدارەکانی كۆمه‌ڵگەى ده‌روازه‌ى نێوده‌وڵه‌تیى ئیبراهیم خه‌لیل پەسەند نەکراون و به‌شێكیان گه‌ڕێندراونه‌ته‌وه‌ و به‌شێكیشیان له‌ناوبراون.”

هۆكاری گەڕاندنەوە و لەناوبردنی شمەك و كاڵاكانی گەڕاندەوە بۆ ئەوەی وەكخۆی وتی، “ئەو كاڵا و شمەكانە له‌گه‌ڵ ڕێنماییه‌كانى حكومه‌تى هه‌رێمى كوردستان-دا نه‌دەگونجان.”

سەبارەت بە جۆری شمەك و كاڵاكان، بەرپرسی ڕاگەیاندنی کومەڵگەی دەروازەی ئیبراهیم خەلیل ئاشكرایكرد، “بە گشتی كه‌ره‌سته‌كان پێكهاتبوون له‌ كه‌لوپه‌لى ته‌ندروستى، خواردن و خواردنه‌وه‌، كۆزمەتیك، ڤێتێرنه‌رى، كشتوكاڵی و بیناسازى.”

بابەتی پێشتر

هاوڵاتییەکی یارسانی دوای ئەوەی هێزە ئەمنییەکان سمێڵیان تاشی هەوڵی خۆکوشتنی دا

بابەتی دواتر

ناوی یەكەم وڵات ئاشكراكرا كە بایدن وەك سەرۆكی ئەمریكا سەردانی دەكات

بابەتی پەیوەندیدار
Total
9
Share