فڕۆكەخانەی نێودەوڵەتیی سلێمانی رایدەگەیەنێت سبەی لیژنەیەكی ئەنجومەنی نوێنەرانی عێراق بەسەردانێكی رەسمی دەگەنە فڕۆكەخانەی نێودەوڵەتیی سلێمانی.
فڕۆكەخانەی نێودەوڵەتیی سلێمانی لە راگەیەندراوێكیدا دەڵێت، “لە چوارچێوەی ئەركی چاودێریكردنی فڕۆكەخانەكانی عێراق لەلایەن لیژنەی گواستنەوە و گەیاندن لە ئەنجومەنی نوێنەرانی عێراق سبەی لیژنەیەكی پەرلەمان بەسەردانێكی رەسمی دەگەنە فڕۆكەخانەی نێودەوڵەتیی سلێمانی.
لە راگەیەندراوەكەدا هاتووە، لیژنەكەی ئەنجومەنی نوێنەرانی عێراق لەگەڵ بەڕێوەبەری گشتی و بەرپرسانی فڕۆكەخانە كۆدەبنەوە و سەردانی مەیدانیی بەشەكانی فڕۆكەخانە دەكەن و لە كۆتایی سەردانەكەیاندا كۆنگرەیەكی ڕۆژنامەوانی ئەنجامبدەن.
