بەبۆنەی بەڕێوەچوونی یاری نێوان عێراق و ئوردن رۆژی پێنجشەممە لە پارێزگای بەسرە کرایە پشووی رەسمی.
پارێزگاری بەسرە لە راگەیەندراوێکدا بڵاویکردەوە، رۆژی پێنجشەممەی داهاتوو لەسەرجەم فەرمانگەکانی سنووری پارێزگاکە پشووی رەسمییە.
ئاشکراشیکرد، پشووەکە بە مەبەستی رەخساندنی دەرفەتە لەبەردەم هاندەرانی عێراق تا بەشداری لە پاڵەوانێتییەکەدا بکەن.
یاری نێوان عێراق و ئوردن لە چوارچێوەی پاڵاوتنەکانی جامی جیهانی 2026 لە شاری بەسرە لە کاتژمێر 7:15 خولەکی ئێوارەی رۆژی 14ی ئەم مانگە بەڕێوەدەچێت.
