بەهۆی دروستبوونی شەڕ لەنێوان دوو خانەوادە کە ئامۆزای یەکترن کەسێک گیانیلەدەستدا و دوو کەسی دیکە برینداربوو.
بەڕێوەبەرایەتیی پۆلیسی راپەڕین بڵاویکردەوە، لە گوندی دووگۆمانی سەر بە ناحیەی سەنگەسەر- قەزای پشدەر (قەڵادزێ) بەهۆی کێشەیەکی کۆن گرژی لە نێوان دوو بنەماڵە روویدا کە ئامۆزای یەکترن، دواتر کەسێک لە ناو شەڕەکە بە ئۆتۆمبێل سێ کەسی لە لایەنی بەرامبەری شێلاوە و بەو هۆیەشەوە هاوڵاتییەک کە رەگەزی نێرە، لەدایکبووی ساڵی 1989 پیشەی کاسب، دانیشتووی گوندی دووگۆمانە گیانیلەدەستدا و دوانی دیکەش بریندارن کە هەرسێکیان بران.
باس لەوەش دەکات، دوای رووداوەکە هێزەکانی پۆلیس گەیشتوونەتە شوێنی مەبەست و بریندارەکانیش گواستراونەتەوە بۆ نەخۆشخانەی گشتیی رانیە و بەهۆی سەختیی برینەکەیەوە یەکێک لە بریندارەکان رەوانەی سلێمانی کراوە.
پۆلیسی راپەڕین دەڵێت، بە بڕیاری دادوەری لێکۆڵینەوە فەرمانی دەستگیرکردن بۆ تۆمەتبارانی رووداوەکە دەرچووە و پەڕاوی لێکۆڵینەوەش بۆ رووداوەکە رێکخراوە.
