بەڕێوەبەری تەندروستیی سلێمانی رایگەیاند، بە هەوڵی تیمە تەندروستییەکان توانرا بڵاوبوونەوەی سکچوون و رشانەوە لە سنووری شارەزوور کۆنتڕۆڵکرا.
د. سەباح هەورامی بەڕێوەبەری تەندروستیی سلێمانی رایگەیاند، لە ماوەی دوو رۆژی رابردوودا زیاتر لە دوو هەزار کەس بەهۆی تووشبوونیان بە سکچوون و رشانەوە سەردانی نەخۆشخانەی شەهید رەئوف بەگیان کردووە، دوای پشکنین دەرکەوتووە بەهۆی تێکەڵبوونی ئاوی خواردنەوە بە ئاوەڕۆ روویداوە.
ئاماژەی بەوەشکرد، بە هەوڵی تیمەکانمان توانرا دۆخەکە کۆنتڕۆڵبکرێت، لەم چەند کاتژمێرەی رابردوودا کەمترین حاڵەتی تووشبوون لە سنوورەکە تۆمارکراوە.
