قائیمقامی شارەزوور رایگەیاند، پیسبوونی ئاو هۆکاری بڵاوبوونەوەی نەخۆشی سکچوون و رشانەوەیە لە سنووری شارەزوور.
رزگار غەفور قائیمقامی شارەزوور لە کۆنگرەیەکی رۆژنامەوانیدا رایگەیاند، بەپێی لێکۆڵینەوە سەرەتاییەکان دەرکەوتووە %80 ی هۆکاری تووشبوون بە سکچوون و رشانەوە بەهۆی پیسبوونی ئاوەوە بووە.
وتیشی، لە بەشێک لە گەڕەکەکانی سنوورەکە بەهۆی باران و لافاوی چەند رۆژی رابردووەوە سەرچاوەکانی ئاو پیسبوون و ئەو هاوڵاتییانەی بەکاریانهێناوە نەخۆش کەوتوون.
داوایشیکرد، هاوڵاتییان پابەندی رێنماییە تەندروستییەکان بن، ئاوی کوڵاو بەکاربهێنن و هاوکاری تیمە تەندروستییەکان ببن.
