بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا و توێژینەوەی زانستی، رایگەیاند، تەرخانی دارایی بۆ دامەزراندنی سێ یەکەمەکانی زانکۆ و پەیمانگەکان کراوە.
د. توانا نەجەف، بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا و توێژینەوەی زانستیی هەرێم، بە تۆڕی میدیایی ئێستای راگەیاند، بە نووسراوی وەزیری خوێندنی باڵا پرسی دامەزراندنی سێ یەکەمەکانی زانکۆ و پەیمانگەکانی هەرێم چووە بەرنامەی کاری ئەنجومەنی وەزیرانەوە و دوای ئەوە ئاراستەی ئەنجومەنی خزمەتگوزاری و وەزارەتی دارایی عێراق کرا بۆ ئەوەی میلاکیان بۆ جێگیربکرێت بۆ ئەوەی تەرخانی داراییان بۆ بکرێت.
باسی لەوەشکرد، ئێستا تەرخانی دارایی بۆ دامەزراندنی سێ یەکەمەکان کراوە و چاوەڕوانی وەزارەتی دارایی دەکەین بۆ ئەوەی وەڵامی ئەنجومەنی وەزیران بداتەوە و دابمەزرێن.
د. توانا نەجەف، ئەوەشی ئاشکراکرد، بڕیارەکە سەرجەم دەرچووە یەکەمەکانی زانکۆ و پەیمانگە حکومییەکان بۆ ساڵی 2017 تاوەکو 2023 دەگرێتەوە.
