بەڕێوەبەرایەتیی كۆچ و كۆچبەران و وەڵامدانەوەی قەیرانەكانی پارێزگای هەڵەبجە رایدەگەیەنێت، دوای بەدەمەوەچوونی هاوڵاتییان لەماوەی 24 كاتژمێری رابردوو و هاوكاریكردنیان و دوای هەڵسەنگاندنی زیانەكان، ئەو ماڵانەی كە بەهۆی بارانەوە زەرەر و زیانی پێ گەیشتووە، هاوكاری بە بەشێكیان دەدرێت.
ئاماژە بۆ ئەوەش كراوە، هاوكارییەكە بریتییە لە مۆكێت، دۆشەك، بەتانی، سەبەتەی خۆراك، سەبەتەی پاككەرەوە و پێداویستیەكانی مناڵ كە بەسەر خێزانە زیانلێكەوتووەكان دابەشكران و نزیكەی 25 ماڵ زیانیان بەركەوتووە.
ئاماژە بۆ ئەوەش كراوە، پڕۆسەكە بەردەوامدەبێت تا سەرجەم زیانلێكەوتووان هاوكاریدەكرێن.
