فڕۆکەخانەکانی عێراق لەمانگی رابردوودا، 463 گەشتی ناوخۆی و دەرەکی لە فڕۆکەخانەکانی عێراقەوە ئەنجامدراون و لەو ژمارەیەش 90 گەشتیان، گەشتی عومرە بوون.
وەزارەتی گواستنەوەی عێراق بڵاویکردەوە، لەمانگی تشرینی یەکەمدا، 463 گەشت تۆمارکراون، لەو ژمارەیە 151 گەشتیان ناوخۆیی بوون و ژمارەی گەشتیاران 24 هەزار و 575 گەشتیار بوون و ژمارەی گەشتە دەرەکییەکانیش 312 گەشت بوون و ژمارەی گەشتیاران 78 هەزار و 75 کەس بوون.
باس لەوەشکراوە، سەرجەم ئەو گەشتیارانەی گەشتیان کردووە بۆ ناوخۆ و دەرەوەی عێراق 102 هەزار و 650 کەس بوون.
هاوکات، ژمارەی ئەو گەشتیارانی چوونەتە عومەرە 23 هەزار و 995 کەس بوون و بە 90 گەشت چوون.
