لەناو قەزای کەلار رووداوێکی هاتوچۆ روویدا و بەهۆیەوە شەش کەس برینداربوون.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، بەیانیی ئەمڕۆ مینی پاسێک و ئۆتۆمبێلێکی جۆری کیا سپۆرتاج لە ترافیک لایتی ئەندازیاران لەناو قەزای کەلار پێکیاندادا، بەهۆیەوە هەر دوو شۆفێرەکە و چوار سەرنشین برینداربوون.
دەشڵێت، چوار برینداریان لە ئۆتۆمبێلی جۆری کیا سپۆرتاجدا بوون و دوو برینداریان لە مینی پاسەکەدابوون.
باس لەوەش دەکات، هەر شەش بریندارەکە گواسترانەوە بۆ نەخۆشخانەی فریاکەوتنی شەهید هەژار و لێکۆڵینەوە لە رووداوەکە لەلایەن تیمی هاتوچۆوە دەستیپێکردووە.
