وتەبێژی وەزارەتی خوێندنی باڵا و توێژینەوەی زانستی رایگەیاند، هەوڵمانداوە سەرجەم دەرچووانی 12ی ئامادەیی لە زانکۆ و پەیمانگەکاندا وەربگیرێن.
عەباس ئەکرەم، وتەبێژی وەزارەتی وەزارەتى خوێندنى باڵا و توێژینەوەى زانستیی هەرێم، ئەمڕۆ یەکشەممە بە تۆڕی میدیایی ئێستای راگەیاند، کاتژمێر 12ی نیوەڕۆی ئەمڕۆ لە کۆنفرانسێکی رۆژنامەوانیدا، ئەنجامى زانکۆلاین بۆ دەرچووانى 12ی ئامادەیی رادەگەیەنین.
وتیشی، ئەمساڵ هەوڵمانداوە سەرجەم دەرچووانی پۆلی 12 کە فۆڕمی زانکۆلاینیان پڕکردووەتەوە، لە زانکۆ و پەیمانگە حکومییەکاندا وەربگیرێن.
باسی لەوەشکرد، وردەکاریی زیاتر لە کۆنفرانسە رۆژنامەوانییەکەدا دەخرێتەڕوو.
