پۆلیسی سلێمانی رایدەگەیەنێت، لەسەر سکاڵای هاوڵاتییەک تۆمەتبارێک دەستگیرکرا و دەستبەسەر ئۆتۆمبێلێکدا گیرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییەک سکاڵای تۆمارکرد کە ئۆتۆمبێلەکەی دزراوە، هێزەکانی پۆلیس لێکۆڵینەوە و بەدواداچوونەکانیان دەستپێکرد و، دوای وەرگرتنی بڕیاری دادوەر، لەلایەن نووسینگەی دزینی ئۆتۆمبێلی نەهێشتنی تاوانی سلێمانییەوە توانرا تۆمەتبار بدۆزرێتەوە و دەستبەسەر ئۆتۆمبێلە دزراوەکەشدا بگیرێت.
دەشڵێت، لەئێستادا تۆمەتبار (ح.أ.ق. لەدایکبووی ساڵی 1976) بە بڕیاری دادوەر و بەپێی ماددەی 446 لە یاسای سزادانی عێراقی راگیراوە.
پۆلیسی سلێمانی ئاماژەی بەوەشكرد، دوای تەواوکردنی رێکارە یاساییەکان ئۆتۆمبێلەکە رادەستی خاوەنەکەی دەکرێتەوە.
