بەپێی پێشبینییەکانی کەشناسیی هەرێم، سبەینێ لە چەند ناوچەیەکی هەرێمی کوردستان بارانی بەلێزمە دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێم، لە راگەیەندراوێکدا بڵاویکردەوە، ئەمڕۆ ئاسمان هەوری تەواو دەبێت لەگەڵ بارینی نمەباران و بارانی مامناوەند لە کات و شوێنی جیا جیا، هەندێکجار هەورەبروسکەشی لەگەڵدایە.
دەشڵێت، ئەمڕۆ پلەی گەرمی بەراورد بە تۆمارکراوى دوێنێ بە (4 -2) پلەی سیلیزی نزمدەبێتەوە.
بەپێی راگەیەندراوەکەی کەشناسیی هەرێم، سبەینێ یەکشەممە، ئاسمان هەوری تەواو دەبێت لەگەڵ بارینی باران لە کاتەکانی بەیانیدا لە ناوچەکانی (هەولێر، کەرکوک، سلێمانی، هەڵەبجە و ئیدارەی راپەرین) دابارین بە لێزمە دەبێت.
باس لەوەش دەکات، سبەینێ لە دوای نیوەرۆ و کاتەکانی شەودا دابارین بەردەوامدەبێت، بەڵام بە رێژەیەکی کەمتر، پلەی گەرمی بەراورد بە تۆمارکراوى ئەمرۆ، بە (5 -3) پلەی سیلیزی نزمدەبێتەوە.
بەرزترین پلەی گەرمیی پێشبینیکراو بە پلەی سیلیزی :
هەولێر : 18
سلێمانی : 16
دهۆک : 18
کەرکوک : 20
هەڵەبجە : 16
زاخۆ :18
سۆران : 15
حاجی ئۆمەران : 9
گەرمیان : 22
