رووداوێكی پێكدادان لەنێوان دوو ئۆتۆمبێلی تایبەت و تانكەر لە قەزای بەردەڕەش سەر بە پارێزگای دهۆك روویدا و بەهۆیەوە شۆفێری ئۆتۆمبێلە تایبەتەكە گیانیلەدەستدا.
ئازاد تەها، وتەبێژی هاتوچۆی دهۆك رایگەیاند، كاتژمێر 10:35 خولەكی بەیانیی ئەمڕۆ لەسەر شەقامی سەرەكیی قەزای بەردەڕەش بۆ ناحیەی كەڵەك پێكدادان لەنێوان دوو ئۆتۆمبێلی جۆری شۆفرلێت/ ئۆپترا و تانكەردا روویدا.
وتیشی، “بەهۆی رووداوەكەوە، شۆفێری ئۆتۆمبێلە تایبەتەكە گیانیلەدەستدا و، رەوانەی پزیشكی دادوەری كرا”.
