بەڕێوەبەرایەتیی کەشناسیی هەرێم بڵاویکردەوە، لە سبەینێوە کەشوهەوا دەگۆڕێت و پلەی گەرمی دادەبەزێت.
لە راگەیەندراوی بەڕێوەبەرایەتیی کەشناسی و بومەلەرزەزانیی هەرێمدا هاتووە، ئەمڕۆ سێشەممە ئاسمان ساماڵ و پەڵە هەور دەبێت و پلەی گەرمی جێگیر دەبێت.
ئاشکراشیکرد، سبەینێ چوارشەممە ئاسمان نیمچە هەور دەبێت و لە ناوچە شاخاوییەکان هەورى تەواو دەبێت، پلەی گەرما کەمێک نزمدەبێتەوە بەراورد بەتۆمارکراوەکانى ئەمڕۆ.
پێشبینیدەکرێت لە شەوی چوارشەممەوە شەپۆلێکی بارانبارین هەرێم بگرێتەوە و بۆ ماوەی چەند رۆژێک بەردەوام بێت، بەڵام تا ئێستا کەشناسیی هەرێم هیچ زانیارییەکی لەبارەی ئەو شەپۆلەوە بڵاونەکردووەتەوە.
