بەڕێوەبەرایەتیی پۆلیسی هەولێر رایدەگەیەنێت، تۆمەتبارێكیان دەستگیركردووە كە لە چەند شوێنێك بڕێك زێر و پارە و چەند ئامێرێكی كارەبایی دزیوە و هەوڵیداوە ئۆتۆمبێلێكیش بدزێت.
بەپێی راگەیەندراوێكی بەڕێوەبەرایەتیی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، “بەشی پۆلیسی نەهێشتنی تاوان/ نووسینگەی ڕۆژهەڵات، تۆمەتبارێكیان بە ناوی (ی. ز. س) دەستگیر كرد، كە لە چەند شوێنێك بڕێك زێڕ و چەند ئامێرێكی كارەبایی، بڕی 250 هەزار دینار، كەلوپەلی ئۆتۆمبێل و كاتژمێری دەستی دزیوە و هەروەها هەوڵیدا بوو ئۆتۆمبێلێكی جۆری (نیسان/سێنترا) بدزێت”.
لە راگەیەندراوەكەدا هاتووە، تۆمەتبارەكە پێشینەی تاوانی هەیە، پەڕاوی لێكۆڵینەوەی بۆ رێكخرا و ڕادەستی دادگا كرا.
