ئەمڕۆ لە سەرۆكایەتیی شارەوانیی سلێمانی کۆبوونەوەیەک بە مەبەستی ئامادەسازیی بۆ یادی سلێمانی بەڕێوەچوو.
سەرۆکایەتیی شارەوانیی سلێمانی بڵاویکردەوە، ئەمڕۆ یەکشەممە لەیلا عومەر سەرۆكی شارەوانیی لەگەڵ جێگری سەرۆك و ئەندامی ئەو لیژنانەی كە پەیوەندیدارن بە یادەكان كۆبوەوە.
لە كۆبونەوەكەدا تیشك خرایە سەر چالاكی و كەرنەڤاڵی یادی 240 ساڵەی دامەزراندنی شاری سلێمانی بەپێی ئەو ئەركانەی كە ساڵانە دەكەوێتە ئەستۆی شارەوانیی و بەرزڕاگرتنی یادەكە.
14 ی تشرینی دووەم، ساڵرۆژی دامەزراندنی شاری سلێمانییە و ساڵانە بەم بۆنەیەوە چەندین چالاکی جۆراوجۆر لە شارەکە سازدەکرێت.
