لە سنورى ماوەت بەهۆکارى ئاگرکەوتنەوە هاوڵاتییەک دەستگیرکرا.
بەڕێوەبەرایەتیی پۆلیسی دارستان و ژینگەی سلێمانی، لە راگەیەندراوێکدا بڵاویکردەوە، دواى ئەوەى لە لایەن دانشتووانى گوندى (کانى بوکێ ) ئاگادارکرانەوە بە بوونى ئاگرێک لە سنورەکەیان دەستبەجێ مەفرەزەکانى بەشى پۆلیسى دارستانى ماوەت گەیشتنە شوێنى رووداوەکە و توانیان لە ماوەیەکى کەمدا ئاگرەکە کۆنترۆڵبکەن .
بەپێی راگەیەندراوەکە، ئاگرەکە بووە هۆى سوتانى نزیکەى چوار دۆنم رەز و باخ، و بە هۆکاری ئاگرکەوتنەوەکە هاوڵاتییەک دەستگیرکرا.
پۆلیسی دارستان و ژینگەی سلێمانی دەشڵێت، پەڕوای لێکۆڵینەوە رێکخراوە و بۆ گرتنەبەری رێکاری یاسایی رادەستی دادوەرکراوە.
