لەسەر سکاڵای خاوەنی گروپی کۆمپانیاکانی بەڕێز، وریا عەبدولخالق، رۆژنامەنووس، لە چەمچەماڵ دەستگیردەکرێت.
بەگوێرەی زانیارییەکان، وریا عەبدولخاق، رۆژنامەنووس، بۆ ماوەی چوار کاتژمێر لەلایەن دادوەری دەستەی دەستپاکییەوە دەستبەسەرکراوە، دواتر بە کەفالەتی دوو ملیۆن دینار ئازادکرا، هۆکاری دەستگیرکردنەکەی بەهۆی سکاڵایەکی مەلا یاسین، خاوەنی گروپی کۆمپانیاکانی بەڕێز، بووە.
ئەوەش خراوەتەڕوو، دۆسیەکە پەیوەندیدارە بە تۆمەتبارکردنی کۆمپانیاکەوە، پاش ئەوەی وریا عەبدولخالق، گروپی کۆمپانیاکانی بەڕێزی بەوە تۆمەتبارکرد کە هۆکاری دروستبوونی لافاوەکەی ئەم دواییەی چەمچەماڵ و گۆڕینی ڕێڕەوی ئاوی ناوچەکەبوون.
