میدیاکانی عێراق بڵاویانکردەوە، بەهۆی ئەوەی لیستی مووچە تا ئێستا رەوانەی بەغداد نەکراوە، دابەشکردنی مووچەی مانگی 10 دوادەکەوێت.
میدیاکانی عێراق زانیارییەکانیان لە وەزارەتی دارایی و ئابووری هەرێمەوە وەرگرتووە کە تێیدا هاتووە، تا ئێستا وەزارەتی دارایی هەرێم لیستی مووچەی مانگی 10 ی رەوانە نەکردووە و بڕیارە لەم هەفتەیەدا رەوانەی بکات.
ئاشکراشیکردووە، هەرکاتێک لیستەکە رەوانەی بەغداد کرا لای ئەوانیشەوە وردبینیکردنەوەی چەند رۆژێکی دیکەی دەوێت، بۆیە دابەشکردنی مووچە دوادەکەوێت و پێشبینیدەکرێت بکەوێتە سەرەتای مانگی داهاتوو.
