ئەندامێكی ئەنجومەنی نوێنەرانی عێراق رایدەگەیەنێت، لە سبەینێوە پێدانی دۆلار بە نرخی رەسمی لە فڕۆكەخانەكانی هەولێر و سلێمانی بە گەشتیاران دەستپێدەكات.
د. بڕیار رەشید، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، پێشتر بە نووسراوی رەسمی داوامان لە بانكی ناوەندیی عێراق و بانكی بازرگانی كرد كە هاوشێوەی ناوچەكانی دیكەی عێراق پێدانی دۆلار بە نرخی رەسمی بە هاوڵاتییان لە فڕۆكەخانەكانی هەولێر و سلێمانی دەستپێبكات.
راشیگەیاند، رەزامەندیی دراوە و بڕیارە لە سبەینێوە پێدانی دۆلار بە نرخی رەسمی بە گەشتیاران بەپێی ئەو میكانیزمەی دیاریكراوە دەستپێبكات و گەشتیاران دەتوانن تاوەكو سێ هەزار دۆلار بە نرخی رەسمی لە فڕۆكەخانەكانی سلێمانی و هەولێر وەربگرن.
