سەرۆكی كۆمەڵەی كێڵگەپەلەوەرییەكان رایدەگەیەنێت، نرخی یەك كیلۆ مریشك لە كێڵگەپەلەوەرییەكان بە 2400 دینارە و دەشڵێت، “بەهۆی هاتنی وەرزی سەرماوە خاوەنی كێڵگەپەلەوەرییەكان پێویستە غاز و گاز بۆ گەرمكردنی كێڵگەپەلەوەرییەكان دابینبكەن و لەهەمانكاتدا نرخی جووجك و عەلەفیش بەرزبووەتەوە.
نازم عەبدوڵا، سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، لە ئێستادا نرخی یەك كیلۆ مریشك لە كێڵگەپەلەوەرییەكان بە 2400 دینارە و لەسەر خاوەنی كێڵگەپەلەوەرییەكان زیاتر لە 2600 دینار دەكەوێت.
راشیگەیاند، بەهۆی هاتنی وەرزی سەرماوە خاوەنی كێڵگەپەلەوەرییەكان پێویستە غاز و گاز بۆ گەرمكردنی كێڵگەپەلەوەرییەكان دابینبكەن و نرخی جووجك و عەلەفیش بەرزبووەتەوە و بەو هۆیەوە خاوەنی كێڵگەپەلەوەرییەكان ناچار دەبن كەمتر جووجك بخەنە كێڵگەپەلەوەرییەكانەوە، چونكە تێچووی زیاددەكات ئەوەش پەیوەستە بە خواست و خستنەڕووەوە و راستەوخۆ كاریگەری لەسەر نرخەكەی دەبێت.
