کەمتر لە یەک کاتژمێر ماوە بۆ بەشداریکردن لە هەڵبژاردنی خولی شەشەمی پەرلەمانی کوردستان بۆ ساڵی 2024 و لە کاتژمێر 6:00ی ئێوارەدا کۆتایی دێت و بە گوێرەی قسەی کۆمسیۆنی باڵای سەربەخۆی هەڵبژاردنەکان کاتەکانی درێژناکرێتەوە.
لە کاتژمێر 6:00ی ئێوارەی ئەمڕۆدا ئامێرەکان لە کاردەکەون و هیچ کەسێک لەدوای ئەو وادەیە مافی بەشداریکردنی لە هەڵبژاردنی پەرلەمانی کوردستان نامێنێت.
کۆمسیۆنی باڵای سەربەخۆی هەڵبژاردنەکان داوا لە هاوڵاتییان دەکات پەلەبکەن بۆ بەشداریکردن لە دەنگدان، چونکە کاتژمێر 6:00 ئامێرەکان ئۆتۆماتیکی دەکوژێنەوە.
